05 noy 10:52
Yangiliklar

Tennis

WTA Finals. Arina Sobolenko muddatidan oldin pley-offda!

Dunyoning birinchi raketkasi Arina Sobolenko Ar-Riyodda davom etayotgan yilning Yakuniy WTA turnirida ikkinchi g'alabasini qo'lga kiritdi.

Belaruslik tennis malikasi WTA Finals guruh bosqichining ikkinchi uchrashuvida ham g'alabaga erishdi. Arina dunyoning to'rtinchi raketkasi italiyalik Jasmine Paolinini ikki set natijasiga ko'ra mag'lubiyatga uchratdi - 6/3, 7/5.

Tennischilarning o'zaro beshinchi uchrashuviga kelib Sobolenko hisobda oldinga chiqib oldi. To'qson bir daqiqalik bahsda Arina 5 ta eys, 5 ta breyk qayd etib, 6 ta qo'shxatoga yo'l qo'ydi.

SHu tariqa, belaruslik tennischi ikki g'alaba evaziga muddatidan oldin pley-offga yo'l oldi. Ikkinchi yo'llanma taqdiri uchinchi turda Jasmine Paolini hamda xitoylik CHjen Cinven o'rtasidagi uchrashuvda hal bo'ladi. Qozog'istonlik Elena Ribakina guruhdan chiqish imkoniyatidan mahrum bo'lib ulgurdi.