05 noy 12:16
Yangiliklar

Tennis

WTA Finals. CHjen Cinven Ribakinaning orzusini sarobga aylantirdi

Dunyoning ettinchi raketkasi CHjen Cinven Ar-Riyodda davom etayotgan yilning Yakuniy WTA turniridagi ilk g'alabasini qo'lga kiritdi.

Xitoylik tennischi guruh bosqichining ikkinchi o'yinida reytingda o'zidan ikki pog'ona yuqorida borayotgan qozog'istonlik Elena Ribakinani uch set natijasiga ko'ra mag'lubiyatga uchratdi - 7/6(4), 3/6, 6/1. CHin yurti vakilasi tennischilarning o'zaro uchinchi uchrashuviga kelib, ilk g'alabasini qo'lga kiritdi - 1:2.

Ikki soatu 27 daqiqa davom etgan bahsda CHjen 6, Ribakina 8 ta eys zarbasini amalga oshirdi. Qozog'istonlik tennischi ikki mag'lubiyatdan keyin pley-offga chiqish imkoniyatidan mahrum bo'ldi. CHjen esa guruhdan ikkinchi o'rin bilan chiqish uchun so'nggi turda italiyalik Jasmine Paolinini mag'lub etishi kerak bo'ladi.