WTA Finals. Mariya Sakkari Yakuniy turnirni g'alaba bilan boshladi

Dunyo reytingida kuchli sakkiztalikdan joy olgan tennis malikalari ikki guruhga bo'lingan holda bosh sovrin uchun kurashga kirishishgan. Sayyoramizning oltinchi raketkasi, greciyalik Mariya Sakkari guruhning ilk uchrashuvida polshalik Iga Svyontekni 6/2, 6/4 hisobida mag'lubiyatga uchratdi. 

Bir soatu 26 daqiqa davom etgan bahsda 26 yoshli Sakkari 2 ta eys, 3 ta breyk-poyntni amalga oshirdi. Qo'shxatolar soni 5 tani tashkil etdi. 20 yashar Svyontek esa 2 ta eys, 6 ta qo'shxato va bitta breyk qayd etdi. Tennischilarning o'zaro uchrashuvlaridagi hisob Sakkari foydasiga yiriklashdi - 3:0.