WTA Yakuniy turniri. Mugurusaning finaldagi raqibasi malum

Biroz avval musobaqaning ikkinchi yarim final uchrashuvi o'tkazilib, Garbin Mugurusaning bosh sovrin uchun bahsdagi raqibasi malum bo'ldi. WTA reytingida 8-o'rinni egallab turgan estoniyalik Anett Kontaveyt sayyoramizning oltinchi raqamli tennis malikasi, greciyalik Mariya Sakkariga qarshi kortga chiqdi. 

Ikki soatu to'rt daqiqa davom etgan uchrashuvda Kontaveyt 6/1, 3/6, 6/3 hisoblarida g'alaba qozonib, final chiptasini qo'lga kiritdi. Uning bosh sovrin uchun kechadigan bahsdagi raqibasi ispaniyalik Garbin Mugurusa bo'ladi.