WTA Yakuniy turnirining ilk finalchisi malum

Biroz avval dunyoning kuchli sakkiz nafar tennis malikalari ishtirokida o'tayotgan musobaqaning ilk finalchisi malum bo'ldi. Sayyoramizning beshinchi raketkasi, ispaniyalik Garbin Mugurusa reytingning o'ninchi pog'onasidan joy olgan vatandoshi Paula Badosadan ikki setda ham bir xil hisobda ustun keldi - 6/3, 6/3. 

Sakson besh daqiqa davom etgan bahsda 28 yoshli Mugurusa 2 ta eys, 3 ta breyk-poynt, 24 yashar Badosa esa 3 ta eys zarbani ijro etdi. Bu hamyurtlarning o'zaro o'tkazgan ilk uchrashuvi edi. Garbinning WTA Finals turniri finalidagi raqibasi birozdan so'ng boshlanadigan Anett Kontaveyt (Estoniya) - Mariya Sakkari (Greciya) uchrashuvidan so'ng aniqlanadi.