Xabib Nurmagomedov Alonso haqida: "Bir yil oldin uni yalinib-yolvorib chaqirishgandi, endi esa ishdan haydashdi. Hammasi taltayib ketgan bolalar tufayli"

UFC sobiq chempioni Xabib Nurmagomedov Xabi Alonsoning "Real Madrid" bosh murabbiyligidan ketishiga munosabat bildirdi.

"Sadoqatga teng keladigan narsa yo'q. Bir yil oldin uni yalinib-yolvorib chaqirishgandi, endi esa ishdan xaydashdi. Hammasi taltayib ketgan bolalar tufayli. Xabi, sen eng zo'risan!

Zalmi yoki futbol maydoni – farqi yo'q. Agar sen murabbiy sifatida o'z zalingdagi jangchilarga gapingni o'tkaza olmayotgan bo'lsang, sizlar aniq birga davom ettira olmaysiz. Mening fikrimcha, Xabi Alonso dunyodagi eng zo'r uchta murabbiydan biri. Jamoaning ishi yurishmayotgan bo'lsa, murabbiyni emas, futbolchilarni almashtirish kerak. Dunyodagi birorta murabbiy bunday futbolchilar bilan natija qila olmaydi. Injiq futbolchilardan voz kechish kerak" - deya yozdi Nurmagomedov ijtimoiy tarmoqlarda.

Eslatib o'tamiz, Alonso va "Real" o'rtasidagi shartnoma dushanba kuni tomonlarning o'zaro kelishuviga binoan bekor qilindi.