Xabib Nurmagomedovning otasi komadan chiqdi

Baza telegram-kanalining xabar berishicha, Nurmagomedovlarning kattasi koma holatidan chiqib, o'ziga kelgan. Uning holati biroz og'ir bo'lsa-da, lekin barqaror deya aytilmoqda. CHempionning otasi Moskva viloyatidagi kasalxonalarning birida bo'lib turibdi. 

Rossiyada xizmat ko'rsatgan murabbiy, 57 yoshli Abdulmanap Nurmagomedovning  koma holatiga tushib qolganini Islam Maxachev Xabib Nurmagomedovning so'zlariga tayangan holda xabar bergan edi. Aslida katta Nurmagomedov 25 aprel kuni kuchli shamollash tashxisi bilan Dog'istondagi klinikiga joylashtirilgandi.