Xanchjou-2022 va Parij-2024 musobaqalariga tayyorgarlik dasturlari muhokama qilinmoqda

Unda dastlab O'zbekiston suv sporti turlari federaciyasining ish rejasi ko'rib chiqildi. Unda MOQ prezidenti Rustam SHoabdurahmonov, Jismoniy tarbiya va sport vazirining birinchi o'rinbosari Ravshan Irmatov, shuningdek, har ikki tashkilotning mutasaddi vakillari ham ishtirok etishdi. Tadbirda federaciya Bosh kotibi Alisher G'aniev o'z taqdimotini namoyish qildi.

Malumki, suv sporti turlari Olimpiya o'yinlarida eng ko'p medallar taqsimoti o'ynaladigan sport turi hisoblanadi. SHu jumladan, Osiyo o'yinlarida ham. Bugungi tadbirda Respublikamizda faoliyat olib borayotgan sport bazalari, terma jamoa vakillarini yirik musobaqalarga tayyorlash masalalari batafsil ko'rib chiqildi.

Yig'ilish davomida terma jamoalarning yaxshi natijalarga erishishida sportchilarga etarli sharoit yaratib berish bo'yicha takliflar ko'rib chiqildi. SHuningdek, mutasaddilar tomonidan suv sporti turlari bo'yicha jahon standartlari talabiga javob bera oladigan baza tashkil etish masalasi ham o'rtaga tashlandi.

Parij Olimpiadasiga qadar sportchilarimiz oldida turgan musobaqalarda munosib ishtirok etishlari uchun ularga shart-sharoit yaratib berish borasida barcha imkoniyatlarni ishga solish, jumladan, xorij davlatlarida o'quv-yig'in mashg'ulotlarini tashkil etish borasida takliflar ko'rib chiqildi.

O'z navbatida tadbir tanqidiy ruhda bo'lib o'tganini takidlash joiz. Rasmiy vakillar qaroriga ko'ra, taqdimotda ko'rsatilgan masalalardagi kamchiliklar 14 sentyabr kuni takror ko'rib chiqiladigan bo'ldi.