Xirn: Boks - Bundesliga emas, bu erda barchasi boshqacha

"Men studiyalarda jang tashkil qilib, boksdagi pullarni yo'qotishni istamayman. U erda biz muxlislarga kerakli sifatni etkazib bera olmaymiz. Lekin mening mashg'ulot lagerimni ko'rsangiz, vada beramanki, biz sutkada 24 soat efirda bo'lamiz. Xabarlar o'sha erning o'zidan uzatiladi, Sky Sports jonli efirlar namoyish etadi, matbuot anjumanlari bo'ladi. Bokschilar albatta koronavirus uchun test topshirishadi va tahlil natijalari elon qilinadi. Hafta davomida bu erda drama sodir bo'ladi. 

Gap boshqa promouterlar bilan emas, boshqa sport turlari bilan raqobat haqida. Har bir sport turida hozir raqobat bor. Men muxlislar va homiylar boksni ko'rib, "Qarang, boksni yopiq eshiklar ortida haqiqatdan ham o'tkazsa bo'lar ekan" deyishlarini istayman. 

UFC bizga muxlislarsiz zalda qanday bo'lishini ko'rsatib berdi. Bu sizga biz kecha ko'rgan Bundesliga emas. U erda barchasi g'alati ko'rindi, shunday emasmi? Boksda boshqacha bo'ladi. Siz zarbalarni, burchaklarda bo'ladigan gap-so'zlarni eshitib turasiz. Ijobiy tomonlarni topib, ko'rsata bilish lozim", - dedi Xirn.