Xitoyda milliy biatlon va chang'i markazlari qurib bitkazildi

Xitoyning “Cinxua” axborot agentligi xabar berishicha, ushbu markazlardagi qurilish jarayoni ko'ngildagidek tamomlangan. Takidlash joiz, bu ikki inshoot CHjanczyakou klasterining bir bo'lagi hisoblanadi. Tashkiliy qo'mita tomonidan “Nefrit halqasi” deb nomlangan erusti yo'lagi ushbu ikki inshootni tramplin Milliy markazi bilan bevosita bog'laydi. 2022 yilgi qishki Olimpiya o'yinlari 3 joyda – Pekin, Yancin va CHjanczyakou shaharlarida o'tishi belgilangan.

Tashkiliy qo'mita vakillari, barcha obektlar shu yilning oxirigacha qurib bitkazilishini aytishmoqda. Pekin-2022 da biatlon bo'yicha 11 ta, chang'i sport turida esa 12 ta medallar jamlanmasi o'ynaladi. Xitoy biatlonchilar associaciyasi va Xalqaro biatlon ittifoqi qishki Olimpiada oldidan memorandum imzolashdi va unda biatlon sport turini CHin o'lkasida ommalashtirish ham ko'zda tutilgan.

Eslatib o'tamiz, Pekindagi qishki Olimpiya o'yinlari 2022 yilning 4 fevralida start oladi. Mazkur biatlon trassasi yangi mavsumning 8-bosqichini qabul qiladi.