03 noy 15:03
Yangiliklar

Tennis

Xolger Rune Parij "Masters" 1/4 finaliga yo'l oldi

Dunyoning ettinchi raketkasi Xolger Rune Paris Masters turnirining chorak final ishtirokchisiga aylandi.

Daniyalik tennis ustasi 1/8 finalda ATP reytingida 54-pog'onada borayotgan germaniyalik Daniel Altmayerni ikki setda ham bir xil hisobda mag'lubiyatga uchratdi - 6/3, 6/3. Bu tennischilarning o'zaro ikkinchi uchrshuvi edi - 2:0.

Sakson bir daqiqa davom etgan bahsda Rune ham, Altmayer ham 5 tadan eys, 2 tadan qo'shxato qayd etdi. Breyklar soni 3 ga 0 ko'rinishida, Xolger foydasiga bo'ldi. Endi Rune Rolex Paris Masters 1/4 finalida dunyoning birinchi raketkasi, serbiyalik Novak Jokovichga qarshi kortga chiqadi.