31 mar 19:21
Yangiliklar
Dzyudo
Xurramov Tbilisi Gran-Prisining bronza medali sovrindori!
Gruziya poytaxti Tbilisi shahri mezbonlik qilayotgan dzyudo bo'yicha Gran-Pri turkumiga kiruvchi nufuzli turnir yakuni sari yaqinlashmoqda.
-100 kg vazn toifasidagi polvonimiz Muhammadkarim Xurramov terma jamoamizga ikkinchi bronza medalini taqdim etdi. U avvaliga bronza yo'lidagi o'tish bahsida franciyalik Kleman Delverni mag'lubiyatga uchratdi. Keyin esa italiyalik polvon Juliano Loparchiodan ustun keldi. Muhammadkarim bronza medalidan tashqari qimmatli bo'lgan 350 reyting ochkosiga ham ega bo'ldi.
Eslatib o'tamiz, Xurramov birinchi davrada hindistonlik Avtar Singx, ikkinchi bosqichda mo'g'ulistonlik kuchli raqib Xangal Odbaatarni mag'lubiyatga uchratgan edi. CHorak final bahsida esa yurtdoshimiz gollandiyalik Mixael Korrelga yutqazib qo'ygandi.
Havola :
Manba : olamsport.com
Fikrlar