Yakuniy WTA turnirida 1/2 final juftliklari aniqlandi

Olovrang guruhning so'nggi uchinchi turida chexiyalik Barbora Kreychikova amerikalik Kori Goffni mag'lubiyatga uchratdi. Goff yutqazganiga qaramay, ikkinchi o'rin bilan 1/2 finalga yo'l oldi. Barbora final chiptasi uchun WTA reytingida 7-o'rinni egallab turgan xitoylik CHjen Cinvenga qarshi kortga chiqadi. 

Ikkinchi 1/2 final juftligida dunyoning birinchi raketkasi, belaruslik Arina Sobolenko eng yosh ishtirokchi Kori Goff bilan hisob-kitob qiladi. Bu ikki tennischining o'zaro uchrashuvlaridagi hisob teng - 4:4. 

Yakuniy WTA turniri. 1/2 final:

Arina Sobolenko (1, Belarus) — Kori Goff (3, AQSH);

Barbora Kreychikova (8, CHexiya) — CHjen Cinven (7, Xitoy).

WTA Yakuniy turnirining amaldagi g'olibasi Iga Svyontek hisoblanadi. Polshalik tennis malikasi guruhda uchinchi o'rinni egallab, 1/2 finalga chiqa olmadi.