Yana bir bokschimiz finalda, yunon-rum kurashida medal uchun imkoniyatimiz bor (11-kun)

Unda o'zbekistonlik sportchilarning ishtiroki quyidagicha bo'ldi: 

Yunon-rum kurashi. Aram Vardanyan (-77 kg) - nimchorak finalda g'alaba qozondi, chorak finalda yaponiyalik raqibga yutqazdi. Biroq raqibning finalga chiqqani sabab, sportchimizda bronza uchun kurashish imkoniyati paydo bo'ldi.  

Ayollar kurashi.  Aktenge Keunimjaeva (50 kg) - ilk jangida ukrainalik raqibasiga mag'lub bo'ldi.

Yunon-rum kurashi. Rustam Assakalov (97 kg) - nimchorak finalda gonduraslik raqibdan ustun keldi, lekin chorak finalda armanistonlik raqibga yutqazdi. Armanistonlik sportchining finalga chiqqani sabab sportchimizda medal uchun kurashish imkoniyati bor.

Boks. Asadxo'ja Mo'ydinxo'jaev - Omari Jones (AQSH) (71 kg, yarim final) - 5:0 hisobida g'alaba qozonib, finalga yo'l oldi. 

Ushbu sahifa orqali o'zbekistonlik sportchilarning qayd etayotgan natijalaridan xabardor bo'lib turishingiz mumkin bo'ldi.

SAHIFANI YANGILASH

00:45. Asadxo'ja Mo'ydinxo'jaev FINALDA!!! Bokschimiz yarim finalda amerikalik Omari Jonsga qarshi ringga ko'tarildi va 3:2 hisobida g'alaba qozonib, finalga yo'l oldi! AJOYIB!

22:45. Birozdan so'ng, aniqrog'i 00:30 dan boshlab -71 kg vaznli bokschimiz Asadxo'ja Mo'ydinxo'jaev final yo'llanmasi uchun AQSH vakili Omari Jonsga qarshi bahs olib boradi. 

22:00. Aram Vardanyan va Rustam Assakalov bronza medali uchun kurashadigan bo'ldi. Ularni mag'lub etgan sportchilar finalga chiqishdi. Ertaga soat 14:00dan boshlab o'tish bahslari start oladi. 

16:00. Endi soat 21:15 dan so'ng yunon-rum kurashida yarim finallar o'tkaziladi. Sportchilarimiz mag'lub bo'lgan kurashchilar finalga chiqishsa, vakillarimizda bronza uchun imkoniyat paydo bo'ladi.

15:49. Rustam Assakalov armanistonlik raqibiga 5:9 hisobida yutqazdi.

15:34. Aram Vardanyan chorak finalda yaponiyalik raqibga 2:12 hisobida yutqazdi. Exxx...

14:50. (-77 kg) Aram Vardanyan endi yaponiyalik Nao Kusaka bilan, (-97 kg) Rustam Assakalov esa armanistonlik Artur Aleksanyanga qarshi kurashadi. Sportchilarimiz ishtirokidagi chorak finallar taxminan 15:20 dan so'ng boshlanadi. 

14:44. Aktenge Keunimjaeva ukrainalik raqibasiga yutqazdi. Afsus. 

14:34. Rustam Assakalov gonduraslik raqibini 5:3 hisobida mag'lubiyatga uchratib, chorak finalga yo'l oldi!

14:26. Aram Vardanyan soniyalar ichida misrlik raqibini 9:0 hisobida mag'lub etdi! Ajoyib g'alaba!

14:00. Sport kurashlari bahslari boshlandi. Birozdan so'ng hamyurtlarimiz o'z ishtiroklarini boshlashadi. Uch nafar sportchimiz o'z ishtirokini deyarli bir vaqtda, taxminan 14:30dan so'ng boshlaydi.