Yana bir rossiyalik tennischi Dubay turnirida yarim finalga yo'l oldi

Dunyoning sakkizinchi raketkasi bo'lib turgan Andrey Rublyov musobaqaning yarim finaliga yo'l oldi. Rossiyalik tennischi 1 daqiqasi kam 1 soat davom etgan chorak final uchrashuvida reytingning 44-pog'onasidan joy olib turgan vengriyalik Marton Fuchovichni mag'lubiyatga uchratdi - 7/5, 6/2.

O'zaro uchrashuvlarda 23 yoshli Andrey ustunlikni mustahkamladi - 4:2. Endi u Dubai Duty Free Tennis Championships turniri final chiptasini qo'lga kiritish uchun vatandoshi Aslan Karacevga qarshi kortga chiqadi.