US Open. 21 ta eys Andrey Rublyovni uchinchi davraga olib chiqdi

Dunyoning 15-raketkasi bo'lib turgan Rublyov ikkinchi bosqichda ATP reytingida 113-pog'onada borayotgan amerikalik Tristan Boyerga qarshi kortga chiqib, raqibini to'rt set natijasiga ko'ra mag'lubiyatga uchratdi - 6/3, 6/3, 5/7, 7/6(4). Bu tennischilarning o'zaro o'tkazgan ilk uchrashuvi bo'ldi. 

Ikki soatu 58 daqiqa davom etgan bahsda Rublyov 21, Boyer 7 ta eys zarbasini amalga oshirdi. Qo'shxatolar Tristanda bittaga ko'proq bo'ldi - 6 ga 5. Breyklar bo'yicha Andrey ustunlik qildi - 5 ga 3. Endi Rublyov US Open uchinchi davrasida Koulmen Vongga qarshi kortga chiqadi. Gonkonglik tennischi o'z o'rnida ikkinchi bosqichda avstraliyalik Adam Uoltonni 7/6(5), 6/2, 4/6, 6/4 hisobida taslim etdi.