Yilning Yakuniy WTA turnirining barcha ishtirokchilari malum bo'ldi

SHveycariyalik Belinda Benchich Yakuniy turnirdagi ishtirokini naqd qilgan sakkizinchi tennischiga aylandi. Benchich bugun Moskvada yakuniga etadigan "Kreml Kubogi"ning finaliga yo'l olish orqali so'nggi chiptani qo'lga kiritdi. 

Belindaga qadar Eshli Barti (Avstraliya), Karolina Plishkova (CHexiya), Simona Xalep (Ruminiya), Byanka Andreesku (Kanada), Naomi Osaka (Yaponiya), Petra Kvitova (CHexiya) va Elina Svitolina (Ukraina) ham Yakuniy turnir ishtirokchisiga aylanishgan edi.

Malumot uchun, yilning Yakuniy WTA turniri 27 oktyabrdan 3 noyabrga qadar Xitoyning SHenchjen shahrida bo'lib o'tadi. Elina Svitolina musobaqaning amaldagi g'olibasi hisoblanadi. Ukrainalik tennis malikasi o'tgan yilgi finalda amerikalik Sloan Stivensni 3:6, 6:2, 6:2 hisobida mag'lub etgandi.