Yosh bokschilarimiz Mo'g'ulistonda: akkreditaciya, adaptaciya va engil mashg'ulot + FOTO

Terma jamoamiz azolari bugun mahalliy vaqt bilan soat 06:15 da CHingizxon nomidagi Ulan-Bator xalqaro aeroportiga etib borishdi. Viza masalasi hal qilingandan so'ng, u erda vakillarimizni tashkiliy qo'mita tomonidan biriktirilgan "volontyorlar" kutib olishdi. Ulan-Batorda aholining asosiy qismi rus tilida ham muloqot qila olar ekan.

Bahslarga 10 noyabr kuni start beriladi. Ungacha murabbiy Hamid Tangribergenov boshchiligidagi charm qo'lqop ustalarimiz tayyorgarlikning so'nggi bosqichini olib borishadi. 

Terma jamoamiz azolari Ulan-Batordagi "Bayangol" mehmonxonasiga joylashishdi. Uzoq parvozdan so'ng vakillarimiz dam olishdi. Tushlikdan so'ng  esa Osiyo chempionati tashkilotchilari bokschi va murabbiylarimizni akkreditaciya uchun suratga olishdi. Kechga yaqin bokschilarimiz engil mashg'ulotlar olib borishadi. Umuman olganda vakillarimiz hozircha adaptaciya jarayonini o'tkazishmoqda. Qayd etish lozimki, Ulan-Bator faqatgina bir jihat bo'yicha Toshkentdan oldinda. U ham bo'lsa soat. O'zbekiston va Mo'g'uliston poytaxtlari o'rtasidagi vaqt tafovuti uch soatni tashkil etadi. 

CHingizxon nomidagi xalqaro aeroport

Terma jamoamiz azolari joylashgan "Bayangol" mehmonxonasi, "L" belgisi "tamirda")

Tashkilotchilar akkreditaciya jarayonini boshlab yuborishgan

Yigitlarimiz o'z vaznlarini o'lchab ko'rishmoqda

Eng asosiysi bokschilarimizning kayfiyati alo darajada. Umid qilamizki, musobaqadan so'ng ham mana shu kayfiyat o'zgarmaydi.

Saytimiz xodimi imkon darajasida musobaqadan eksklyuziv yangiliklarni etkazib turadi. Fursatdan foydalanib, mazkur safarni tashkil etishda amaliy yordam ko'rsatgan O'zbekiston boks federaciyasiga minnatdorchilik bildiramiz.