Yoshlarga o'rnak bo'layotgan otaxonlar 600 km masofani bosib o'tishni maqsad qilishdi + FOTO

O'zbekiston Respublikasi Prezidentining 2020-yil 30-oktyabrdagi “Sog'lom turmush tarzini keng tatbiq etish va ommaviy sportni yana-da rivojlantirish chora-tadbirlari to'g'risida”gi farmonida belgilangan vazifalar ijrosini taminlash maqsadida va yoshlar o'rnak bo'lgan holda Buxoro viloyati Vobkent tumanidan istiqomat qiluvchi ikki nuroniy otaxon Xojiev Ahmad va Xojiev G'ulomlar 600 km masofani bosib o'tishni reja qilishdi.

1-aprel kuni Buxoro viloyati Vobkent tumani markazida joylashgan minor oldidan yo'lga chiqqan otaxonlar Toshkent shahar “Mustaqillik” maydonigacha bo'lgan 600 km masofani piyoda yurib borishni rejalashtirishgan.

Otaxonlar 6 kun deganda Samarqand viloyatiga etib kelishdi. Yoshlarga o'rnak bo'layotgan ikki otaxon mashhur “Registon” maydonida bo'lib, yana yo'lda davom etishdi.