Yoshlikdagi og'ir jarohat bo'lmaganida, gimnastikada qolgan bo'lar edim

Boshlanishi

Bolaligimda men figurali uchish sporti bilan shug'ullanishni juda xohlar edim, lekin biz «Yubileniy» muz saroyidan uzoqda yashar edik va meni olib yurishga hech kim bo'lmagan. CHunki ota-onam ertalabdan kechqurungacha ishlar edilar. Barchasini hayot taqozosi o'zgartirdi. Birinchi sinfda darsimizga gimnastika bo'yicha murabbiy keldi va men uning nazariga tushib qoldim. Ota-onam bilan suhbatdan so'ng meni gimnastika sport maktabiga qabul qilishdi. SHu bilan sport faoliyatim boshlandi. Haqiqatdan ham ushbu sportga oshiq bo'ldim. Tuman, keyin shahar musobaqalaridan boshlab, mehnatsevarligim, tirishqoqligim bilan O'zbekiston SSR terma jamoasiga kirdim. Menda sport ustasi unvoni bor va sevimli sportimga 15 yil umrimni berdim. Afsuski, katta sport jarohatlarsiz o'tmaydi. Umurtqaning murakkab jarohati tufayli sevimli sportimda faoliyatimni davom ettira olmadim. Biroz vaqt o'tgach, meni sinxron suzish bo'yicha jismoniy tarbiya va xoreografiya murabbiyligiga ishga taklif qilishdi. U erda ishlaganimda men yangi sport turiga chuqurroq kirib bordim.

Sinxron suzishda nima qiziqtirib qo'yganligi haqida

Ushbu sport turi meni gimnastika, akrobatika, trampolin, raqs, balet kabi turlarni o'z ichiga olganligi bilan qiziqtiradi. Ish juda qizg'in. Dasturlar, solistlar uchun reja tayyorlash, duetlar va guruhlarni musobaqalarga muntazam ravishda tayyorlash va ishtirok etish. Taqdir menga ijobiy munosabatda bo'ldi va men hozir terma jamoada murabbiy sifatida ish yuritmoqdaman.

Murabbiy bo'lish nimani anglatishi haqida

Murabbiy bo'lish – bu avvalambor, bolalarni sevish va ularga tanlangan sport turiga muhabbat uyg'otishdir. Men shaxsan (bosh murabbiy sifatida emas) har doim qanday qilib «haykaltarosh»-ga o'hshab – yosh suzuvchilarni shakllantirishni, ulardan «kichkina suv parisi» yaratishni, keyin ulardan shaxs sifatida o'sishni va o'zgarishlarini ko'rishni yoqtiraman. Yaqinda sizga hech narsa bilmaydigan yosh qiz kelib, lekin bir lahzadan so'ng uning musobaqalarda qatnashadigan sportchiga o'zgarishini ko'rgim keladi. Bularning barchasini o'z ko'zingiz bilan ko'rib, guvoh bo'lishingiz kerak!

Sinxron suzish haqida

Sinxron suzish qiyin sport turi. Jamoa allaqachon katta sport tajribasiga ega bo'lgan katta yoshdagi qizlarga ega, ammo ular har doim ham start oldidan hissiyot va hayajonlarini engishga qodir emasliklari tabiiy. Sinxron suzish ham jamoaviy sport turi, ham individualdir. Barchasi siz nimada qatnashishingizga bog'liq. Masalan, duetda siz juft bo'lib ishlashingiz kerak va bunda sport nomi bilan aytilganidek sinxronlik talab qilinadi. Bu oson emas. Natijaga erishish uchun uzoq vaqt davomida birga suzish va birgalikda shug'ullanish lozim. Bu erda his-tuyg'ularga, yomon kayfiyatga va boshqa chalg'itadigan omillarga berilib bo'lmaydi. Hammasi bir reja bo'yicha ketishi talab qilinadi. Bir-biringizni qo'llab-quvvatlab, xursandchiliklarni bo'lish, hamdard bo'lish, bir-biringiz uchun suyanch bo'lishingiz kerak. Guruh dasturlariga kelsak, bunda jamoaviy ruh juda muhim. Bu sinxron suzishning eng qiyin qismi. Oldin aytib o'tganimdek, menimcha, har bir sportning o'ziga yarasha qiyinchiliklari bor va sinxron suzish ham bundan mustasno emas.

Qiziqarli hikoya

Men murabbiy sifatida to'qnash kelgan bir qiziq voqeani aytib beraman. Budapeshtda bo'lib o'tgan 2017 yilgi jahon chempionatida jamoamizning qo'shma dastur chiqishida sportchilardan biri tasodifan burnidagi «qisqich»ni tushirib qo'ydi (qisqichsiz texnik elementlarni bajarish ota mushkul, chunki sportchilar pastga qarab suzishadi). Dasturning endi yarmi o'tib bo'lgan edi. Ammo bizning, Anastasiya Ruzmetova, zaxira «qisqich» qo'yish uchun vaqt topolmay, dasturni uzilishsiz yakunladi va buni hech kim payqamadi. Buni men sport ruhi, katta tajriba va chiqish paytida butun jamoa uchun masuliyat deb hisoblayman.

Mening orzuim

Menimcha, har bir sportchi va murabbiyda Olimpiya o'yinlari kvalifikaciyadan o'tish – bu eng katta orzu. Zamonaviy o'zbek sinxron suzish tarixida Olimpiya o'yinlariga hali licenziya olinmagan. Biz, milliy terma jamoa murabbiylari, ushbu orzuni amalga oshirish ustida ishlamoqdamiz.

O'zbekiston suv sporti turlari federaciyasi matbuot xizmati