Yuqori CHirchiqda yangi sport inshooti qad rostlamoqda

Jumladan, mazkur sport inshooti O'zbekiston Respublikasi Xalq talimi vazirligining tasarrufidagi 19-umumtalim maktabi hududida tuman hokimiyati hamda talim muassasasi yordami bilan barpo etilmoqda. Stol tennisi uchun mo'ljallangan ushbu inshoot 36X23 metr bo'lib, unda kiyinish va yuvinish xonalari, tibbiyot xonasi o'rin oladi. Inshoot mashg'ulotlar jarayonida bir vaqtning o'zida 40 nafar tennischini o'z bag'iriga sig'dira oladi. Agarda, musobaqa o'tkazilsa 10 nafar juftlik o'zaro raqobatlasha oladi.

O'zbekiston stol tennisi federaciyasi raisi Saida Mahmudov joriy yilning sentyabr oyida foydalanishga topshirishi kutilayotgan sport inshootining qurilish jarayoni, loyihasi va olib borilayotgan ishlar bilan to'liq tanishib chiqib, mahalliy stol tennisi mutaxassislariga sport zalidan kelajakda samarali foydalanishlari uchun o'z maslahatlarini berdi. SHuningdek, qurilish va jihozlash ishlarini bajarayotgan mutaxassislarga minnatdorchilik bildirdi.

O'zbekiston stol tennisi federaciyasi matbuot xizmati