Yurtdoshlarimiz Butunjahon maxsus Olimpiya o'yinlarida muvaffaqiyatli ishtirok etishmoqda

BAAning Abu-Dabi shahrida aqliy jihatdan rivojlanishi sust bo'lganlar o'rtasida Butunjahon yozgi maxsus Olimpiya o'yinlari o'tkazilmoqda. Unda ishtirok etayotgangan O'zbekiston terma jamoasi azolari ham kuchlilar qatoridan joy olyapti. 

Delegaciyaga O'zbekiston MOQ prezidentining maslahatchisi Iskandar SHodiev rahbarlik qilmoqda. Sportchilarimiz turli yo'nalishda kechgan bahslarda ayni paytga qadar 6 ta oltin, 5 ta kumush va 11 ta bronza medallarini jamg'arishdi. Quyida sovrindorlar qatoridan joy olgan vakillarimiz bilan tanishasiz:

Abdulnabir Anvarov (sport gimnastikasi) – 3 ta oltin, 2 ta kumush, 1 ta bronza
Margarita Bogomlova (engil atletika) – 2 ta oltin
Dilnoza Yo'ldosheva (sport gimnastikasi) – 1 ta oltin, 3 ta bronza
SHukur Alimov (sport gimnastikasi) – 1 ta kumush, 1 ta bronza
Akbar Rixsiev (sport gimnastikasi) – 1 ta kumush, 1 ta bronza
Bahodir Nasriddinov (dzyudo) – 1 ta kumush
Dilorom Qosimohunova (sport gimnastikasi) – 2 ta bronza
Angelina Korobeynikova (dzyudo) – 1 ta bronza
Darya Jukova (engil atletika) – 1 ta bronza
Angelina Gavrina (suzish) – 1 ta bronza

Musobaqa 21 martga qadar davom etadi.