03 okt 08:22
Yangiliklar

Futbol

"Yuventus" o'z maydonida "Bolonya"ni yirik hisobda taslim etdi

Italiya A Seriyasining 8-turidan o'rin olgan uchrashuvlardan biri Turinda o'tkazildi.

"Yuventus" klubi o'z maydonida "Bolonya"ni qabul qildi. Uchrashuvning 24-daqiqasida Filipp Kostich hisobni ochdi, ikkinchi bo'lim avvalida esa Dushan Vlahovich hisobni oshirdi. O'yinning 62-daqiqasi o'tib borayotgan bir vaqtda Arkadiush Milik hisobni 3:0 ko'rinishiga keltirib qo'ydi.

Ushbu g'alabadan keyin "Yuventus" ochkolarini 13 taga etkazib olgan holda 7-pog'onaga ko'tarildi.

«Yuventus» – «Bolonya» 3:0

Gollar: 1:0 – 24 Kostich, 2:0 – 59 Vlaxovich, 3:0 – 62 Milik.

«Yuventus»: SHchensni, Danilo, Bonuchchi, Bremer, Aleks Sandro, Makkenni (Kuadrado, 60), Kostich (Paredes, 60), Rabo (De SHilyo, 77), Lokatelli (Miretti, 77), Milik (Kin, 81), Vlahovich.
«Bolonya»: Skorupski, De Silvestri (Kambyazo, 61), Bonifaci, Sosa, Likoyannis, Soriano (Fergyuson, 77), Sxauten (Ebisher, 77), Dominges (Medel, 61), Arnautovich, Sansone (Vinyato, 61), Orsolini.
Ogohlantirish: Sosa (90).