Zadar shahri meriyasi koronavirus bo'yicha rasmiy bayonot berdi

"Barcha turnir ishtirokchilari va unga aloqador insonlar epidemiologga uchrashishlari va test topshirishlari shart. Zadar sog'liqni saqlash instituti qo'shimcha xizmatlarni boshlaydi. Bizda barcha epidemiologik chora-tadbirlar qo'llanilmoqda. Virus tarqalishining oldini olishdagi eng asosiy talab - bu ijtimoiy masofani saqlash. O'zingizga bo'lgan talabni oshiring", - deyiladi bayonotda.

Eslatib o'tamiz, Zadardagi turnir Novak Jokovich tomonidan tashkil etilgan bo'lib, musobaqada qatnashgan bolgariyalik tennischi Grigor Dimitrovda koronavirus aniqlangandi. Grigor turnir davomida deyarli barcha ishtirokchilar, shu jumladan Jokovichning o'zi bilan ham qo'l berib quchoqlashib ko'rishgan va suratga tushgan edi.