25 янв 08:07
Янгиликлар

Спорт курашлари

Кеунимжаева Париж Олимпиадасидан кейинги илк мусобақасида бронза медалини қўлга киритди, бугун Лайлохон олтин учун курашади

Теглар : Аёллар кураши Актенге Кеунимжаева

Хабарингиз бор, шу кунларда Россия Федерациясининг Красноярск шаҳрида спорт курашлари бўйича "Иван Яригин" хотира турнири бўлиб ўтмоқда.

Унда Ўзбекистон терма жамоаси курашчиларининг ҳам иштирок этаётгани ҳақида хабар бергандик.

Мусобақанинг кечаги куни доирасида аёллар кураши бўйича Ўзбекистон терма жамоаси аъзоси Актенге Кеунимжаева бронза медалига эга чиқди. У учинчи ўрин учун кечган баҳсда Беларус вакиласи Ксения Станкевичдан устун келди.

Турнирнинг бугунги дастурида Лайлохон Собирова олтин медаль учун гиламга чиқади. Кеча Лайлохон 1/2 финалда россиялик рақибасини бир дақиқа ичида мағлубиятга учрата олди.

Маълумот ўрнида, Актенге Кеунимжаева Олимпия ўйинларида (Париж-2024) иштирок этган дастлабки ўзбекистонлик аёл курашчи ҳисобланади.