13 нафар дзюдочимиз Тбилиси "Катта Дубулға" турнирида иштирок этади

Ушбу нуфузли мусобақада 4 қитъанинг 38 давлатидан жами 286 (180 эркак, 106 аёл) нафар дзюдочи қатнашиш истагини билдирган. Улар орасида Ўзбекистон эркаклар терма жамоасининг 13 нафар аъзоси ҳам бор. 

Таркибда янги номлар ҳам бор. Мураббийлар штаби ёш дзюдочиларимизга ҳам имконият тақдим этмоқда. -100 кг вазндан ташқари қолган барча вазн тоифаларида икки нафар дзюдочимиз мусобақа медаллари ҳамда қимматли рейтинг очколари учун татамига чиқади. 

Тбилисига йўл оладиган таркибимиз:

-60 кг: Дилшодбек Баратов, Мирзоҳид Маҳаммаджонов 

-66 кг: Муҳриддин Тиловов, Бобур Ваджиев

-73 кг: Обидхон Номонов, Муроджон Йўлдошев 

-81 кг: Шарофиддин Болтабоев, Улуғбек Ўроқов

-90 кг: Баҳодир Панжиев, Жалолиддин Қурбонмуродов

-100 кг: Отабек Тўрабоев

+100 кг: Алишер Юсупов, Шоҳруҳ Бахтиёров

Мураббийлар - Илиас Илиадис, Улуғбек Азизов