06 янв 08:10
Янгиликлар
13 ёшли гроссмейстеримиз сўнгги турда ғалабага эришди
Илк бор ташкил этилган 1st ALAIN Juniors Chess Championship U20 турнирида ҳамюртимиз шахмат тарихида энг ёш иккинчи гроссмейстерга айланган, айни пайтда дунёнинг энг ёш гроссмейстери бўлиб турган Нодирбек Абдусатторов ҳам муваффақиятли иштирок этди.
Мусобақада 11 давлатдан жами 143 нафар шахматчи дона сурди. Улар орасида 2 нафар халқаро гроссмейстер ва 7 халқаро мастернинг борлиги турнир нуфузидан дарак берарди.
Нодирбек Абдусатторов сўнгги 9-турда ўзи сингари 6 очкога эга бўлиб турган ҳиндистонлик Мишра Шаняга қарши қора доналарда баҳс олиб бориб, чиройли ғалабага эришди. Якунда 7 очко жамғарган ёш гроссмейстеримиз эронлик Арян Голами билан 3-4 ўринларни бўлишиб олди.
Ўн уч ёшли гроссмейстеримиз учун ўзидан 7 ёш катталар ўртасидаги иштироки ёмон бўлмади. Етти ярим очкодан тўплаган арманистонлик Тигран Харутунян ҳамда ҳиндистонлик Диптаян Гош биринчи ва иккинчи ўринларни бўлишиб олишди. Қўшимча кўрсаткичларга кўра Тигран мусобақа ғолиби бўлди.
Фикрлар