Ёпиқ иншоотлар ва жанг санъатлари Осиё ўйинлари бу йил ўтказилмайди

ООК ва Ўйинлар ташкилий қўмитасининг қўшма баёнотига кўра, ушбу комплекс мусобақа 2027 йил 28 мартдан 8 апрелгача бўлиб ўтади.

Янги саналар Миллий Олимпия қўмиталари ва тадбир ҳамкорлари билан маслаҳатлашувлардан сўнг маҳаллий ташкилий қўмита билан биргаликда белгиланди. Кўчириш спорт тақвимини мувофиқлаштириш ва иштирокчи мамлакатларнинг максимал кенг вакиллигини таъминлаш имконини беради.

Якуний қарор ташкилий ва логистик масалаларни кўриб чиққандан сўнг қабул қилинди.

Қайд этилишича, ушбу мусобақада 45 та давлатдан 4500 нафардан зиёд спортчи иштирок этади.

Ўйинларни ўтказиш бўйича қўшимча маълумотлар ташкилотчилар томонидан кейинроқ тақдим этилади.