05 янв 09:10
Янгиликлар
13 ёшли гроссмейстеримизда ҳам илк мағлубият
Илк бор ташкил этилаётган 1st ALAIN Juniors Chess Championship U20 турнирида ҳамюртимиз шахмат тарихида энг ёш иккинчи гроссмейстерга айланган, айни пайтда дунёнинг энг ёш гроссмейстери бўлиб турган Нодирбек Абдусатторов ҳам муваффақиятли иштирок этяпти.
Мусобақада 11 давлатдан жами 143 нафар шахматчи дона
суряпти. Улар орасида 2 нафар халқаро гроссмейстер ва 7 халқаро мастерларнинг
борлиги турнирнинг нуфузидан дарак беради. Кетма-кет 7та партияда ютқазмаган Нодирбек
8-турга келиб илк мағлубиятини қабул қилиб олди.
Абдусатторов 8-турда ўзи сингари 6 очкога эга бўлиб турган арманистонлик Тигран Харутунянга қарши оқ доналарда ҳаракат қилди ва мағлубиятга учради. Бугун Нодирбек сўнгги 9-турда қора доналарда ҳиндистонлик Мишра Шаняга қарши баҳс олиб боради. Кеча пешқадам бўлиб турган гроссмейстеримиз биргина мағлубият эвазига 7-ўринга тушиб кетди.
Фикрлар