24 янв 19:50
Янгиликлар

Шахмат

18 минг долларлик турнирда Шамсиддин Воҳидов ва Нилуфар Якуббоева ғолиб чиқди + ФОТО

Теглар : Шахмат

Пойтахтимизда умумий мукофот жамғармаси 18 минг АҚШ доллари бўлган “Central Asia Chess Cup 2023” халқаро шахмат турнири ниҳоясига етди.

Турнирда Қозоғистон, Қирғизистон, Тожикистон, Туркманистон ва Ўзбекистондан 57 нафар шахматчи ғолиблик учун баҳсга киришганди.

Эркаклар ўртасида 9 имкониятдан 8 очко жамғарган ҳамюртимиз Шамсиддин Воҳидов турнир ғолиби бўлди. Кейинги ўринлар Ортиқ Ниғматов (Ўзбекистон) ва Азамат Утегалиев (Қозоғистон) га насиб этди. Иккаласида ҳам бир хил - 6,5 тадан очко бор. Қизлар орасида эса 5,5 очко билан Нилуфар Якуббоева (Ўзбекистон) ғолиблик шоҳсупасининг энг юқори поғонасидан ўрин эгаллади.

Жамоавий баҳсларда Ўзбекистон жамоаси 1-ўринни эгаллади. Қозоғистон ва Тожикистон шахматчилари кейинги ўринларга муносиб кўрилди.