18 ёшли Алькараз жаҳоннинг 11-ракеткасига айланган янгиланган рейтингда теннисчиларимиз пастлашда давом этади

Рейтингнинг Топ-10 лигида бир нечта ўзгаришлар кузатилди. Германиялик Александр Зверев испаниялик Рафаэль Надални Топ-3 дан чиқариб юборди. Надаль эса мос равишда 4-поғонага жойлашди. Майами "Мастерс"и финалчиси норвегиялик Каспер Рууд 1 поғонага кўтарилиб, 7-ўринга жойлашди. У россиялик Андрей Рублёв билан ўрин алмашди. Буюк Британия вакили Камэрон Норри эса кучли ўнликка кириишга муваффақ бўлди. Рейтингни сербиялик Новак Жокович бошқариб бормоқда. 

Мавсумнинг иккинчи "Мастерс" турнирида зафар қучган 18 ёшли Карлос Алькараз ўз ўрнидан 5 поғона юқорилаб, жаҳоннинг 11-ракеткасига айланди. 

Мамлакатимизнинг биринчи ракеткаси Денис Исмомин янгиланган рейтингда 8, Ҳумоюн Султонов эса 10 поғонага пастлади. Энг кучли пасайиш Санжар Файзиевда кузатилди. Теннисчимиз 51 ўрин пастлади. Сергей Фомин эса рейтингда яхшигина юқорилашга эришди. У ўз ўрнидан 64 поғона кўтарилди. Жўрабек Каримов ҳам 2 ўрин юқорилади, аммо Каримов афсуски, Топ-1000 дан ҳам чиқиб кетган.

АТР рейтинги. 4. 04. 2022 ҳолатига кўра:

1. (1) Новак Жокович (Сербия) - 8420 очко
2. (2) Даниил Медведев (Россия) - 8410
3. (4) Александр Зверев (Германия) - 7195
4. (3) Рафаэль Надаль (Испания) - 7115
5. (5) Стефанос Циципас (Греция) - 5980
6. (6) Маттео Берреттини (Италия) - 4945
7. (8) Каспер Рууд (Норвегия) - 4380
8. (7) Андрей Рублёв (Россия) - 4375
9. (9) Феликс Оже (Канада) - 3625
10. (12) Кэмерон Норри (Великобритания) - 3440
11. (16) Карлос Алькараз (Испания) - 3411

Ўзбекистонлик теннисчиларнинг АТР рейтингидаги ўрни:

293 (285). Денис Истомин - 168

438 (428). Ҳумоюн Султонов - 89

574 (523). Санжар Файзиев - 62

788 (852). Сергей Фомин - 22

1181. (1079) Жўрабек Каримов - 8