18 ёшли иқтидор эгаси Argentina Open турнири чемпиони бўлди

Ҳал қилувчи финал учрашувида ATP рейтингида 99-поғонада борган бразилиялик Жоао Фонсека дунёнинг 28-ракеткаси аргентиналик Франциско Черундолони мағлуб этишнинг уддасидан чиқди - 6/4, 7/6(1).

Бу теннисчиларнинг ўзаро ўтказган илк учрашуви бўлди. Бир юз етти дақиқа давом этган баҳсда Фонсека 4, Черундоло 3 та эйс зарбасини амалга оширган. Брейклар бўйича устунлик ҳам худди шу кўринишда Жоао томонида бўлди. 

Argentina Open турниридаги муваффақиятли иштирок Фонсекага 250 рейтинг очкоси ва 100,160 АҚШ доллари миқдорида мукофот пули келтирди. Черундоло эса бир ҳафталик меҳнатидан 165 очко ҳамда 58,420 доллар ишлаб олди. 

Фонсека18 ёш 5 ойлик 26 кунлигида теннис тарихидаги энг ёш 10 нафар чемпионлар сафига кирди. Қолаверса, у 2006 йилда туғилган теннисчилар орасида ATP совринини қўлга киритган биринчи ўйинчига ҳам айланди. Аргентиналик бугун эълон қилинадиган янги рейтингда Топ-70`да дебют қилади ва дунёнинг 68-ракеткасига айланади.