29 мар 09:28
Янгиликлар

Теннис

19 ёшли дунёнинг биринчи ракеткаси чемпионлик ҳимоясини давом эттирмоқда

АҚШнинг Майами шаҳри мезбонлигида ўтаётган теннис бўйича "Мастерс" сериясига кирувчи нуфузли турнир ўзининг қизғин палласига кирди.

Дунёнинг биринчи ракеткаси, амалдаги мусобақа ғолиби Карлос Алькараз 1/4 финал иштирокчисига айланди. Испаниялик 19 ёшли теннисчи нимчорак финалда ATP рейтингида 19-поғонада бораётган америкалик Томми Полни 6/4, 6/4 ҳисобида мағлубиятга учратди.

Теннисчиларнинг ўзаро учрашувларидаги ҳисоб мувозанати тикланди - 1:1. Бир соату 35 дақиқа давом этган баҳсда Алькараз 3, Пол эса 5 та эйс зарбасини амалга оширган. Энди Карлос Miami Open турнирининг 1/4 финалида бошқа бир АҚШ вакили Тэйлор Фритцга қарши кортга чиқади.