14 окт 09:02
Янгиликлар

Бокс/ММА

Bellator. Емельяненко 4 дақиқа 46 сониялик жанг ўтказди

Ҳозиргина АҚШнинг Нью-Йорк шаҳрида аралаш қоидалар бўйича Bellator 208 шоуси якунланди.

Оқшомнинг марказий жангида оғир вазн тоифасида ўтказилаётган Гран-при турнирининг иккинчи финалчиси номи маълум бўлди. Унда россиялик афсонавий Фёдор Емельяненко америкалик Чел Сонненга қарши октагонга чиқди.

Баҳснинг 4-дақиқа 46-сонияси ўтиб бораётган бир паллада рефери жангни тўхтатишга мажбур бўлди. Бу вақтга келиб Емельяненко партер ҳолатида кетма-кет зарбалар билан Челни “сийлаётганди”. Соннен эса умуман қаршилик кўрсата олмай қолганди. Рақибини техник нокаутга учратган Фёдор Гран-при турнирининг финалига йўл олди.

Эслатиб ўтамиз, бир кун аввал ўтказилган Bellator турнирининг илк ярим финал жангида Райан Бэйдер очколар ҳисобига кўра Мэтт Митрионни мағлубиятга учратган эди.