07 ноя 17:46
Янгиликлар

Бокс/ММА

Фёдор Емельяненко Хабиб Нурмагомедов билан кўргазмали жангга розилик берди

Тошкентдаги самбо бўйича жаҳон чемпионатида Ислам Махачев билан бирга бўлиб турган Фёдор Емельяненко, ўз ватанидоши Хабиб Нурмагомедов билан ушбу спорт тури бўйича кўргазмали жанг ўтказишга тайёр.

"Агар Хабиб кўргазмали жангга қарши бўлмаса, буни амалга ошириш мумкин. Мен розилигимни бердим. Қаерда? Платформани тайёрлаш керак, билмайман. Балки кейинги жаҳон чемпионати доирасида? Ҳозирча кейинги жаҳон чемпионати қаерда бўлиши аниқ эмас. Шу масала ҳал бўлиш арафасида", – дея россиялик афсонавий оғир вазнли спортчининг сўзларини келтирди ТАСС ахборот агентлиги.

Айни пайтда иккала машҳур россиялик жангчи ҳам фаолиятини якунлаган. Нурмагомедов 2020 йил октябрида Жастин Гэтжини муддатидан олдин мағлуб этгач, фаолиятини тугатган бўлса, Емельяненко 2023 йил февралида Bellator чемпионлик камари учун жангда Райан Бейдерга техник нокаут билан ютқазиб, фаолиятини якунлаган эди.