Инфантино ЖЧ иштирокчилари сони борасида қарор қабул қилди

Бу ҳақда The Times хабар беради.

Манбанинг маълумотларига кўра, у президиум аъзоларига мундиаль ва клублар ўртасидаги жаҳон чемпионатининг кенгайтирилишини илгари сурмаслигини маълум қилган. Июль ойида Инфантино ФИФА жаҳон биринчилигини 64 та жамоагача кенгайтиришга қодирлигини даъво қилган эди.

Шундан сўнг ФИФА ташкилотнинг тижорат фаолияти ва турнирлар ўтказилишини бирлаштирувчи FIFA Forward Enterprise компаниясини ташкил этиш ниятда эканини эълон қилди ва хусусий инвесторларни ундан улуш сотиб олишга таклиф қилди. Ушбу ташаббус Европа футбол ассоциациялари иттифоқининг салбий муносабатига сабаб бўлди, у агар лойиҳа бекор қилинмаса, ФИФА мусобақаларини бойкот қилиш билан таҳдид қилди. Кейинроқ ФИФА Инфантинонинг баёнотини эълон қилди, унда ушбу ташаббус келишмовчиликларни келтириб чиқарганини тасдиқлади ва таклиф амалга оширилмаслигини қўшимча қилди.

Инфантино 2016 йилдан бери ФИФАни бошқариб келмоқда, аввалроқ у 2027 йилда бу лавозимга қайта сайланишга тайёрлигини маълум қилган эди. ФИФА президенти сайловлари келаси йилнинг баҳорида Марокашда бўлиб ўтади.