Махачев Колби Ковингтоннинг таклифини қабул қилди: "Унинг ҳеч қандай имконияти йўқ!"

Ковингтон рус жангчисини курашда рақобатлашишга ва амалдаги UFC яримоғир вазн чемпиони ҳам яхши кўрадиган падел бўйича хайрия ўйини ўтказишга таклиф қилганди.

"Муаммо йўқ. Курашишимиз ҳам, падел ўйнашимиз ҳам мумкин. Ва юз мингга яна юз минг қўшиш мумкин. Менимча, унинг на курашда, на паделда ҳеч қандай имконияти йўқ. Мен қарши эмасман", — деди россиялик Тошкентда ўтказилаётган самбо бўйича жаҳон чемпионати чоғида журналистлар билан суҳбатда.

Шунингдек, Махачев америкаликнинг яқиндаги мағлубияти ҳақидаги саволга жавоб берди. Ковингтон, кроссовер-курашчилар ўртасида RAF лигасининг мағлубиятсиз чемпиони бўла туриб, бир неча кун олдин Римдаги Hype Fighting турниридаги грэпплинг беллашувида Рауль Росас Жуниорга 40 сония ичида орқадан бўғиш орқали ютқазиб қўйган эди.

"Нима деб жавоб беришимни билмайман. Колби фахрий бўлса ҳам, унинг ўз шаклини сақлаб қолаётганини кўряпман. Балки унинг грэпплинги унчалик юқори даражада эмасдир, лекин у яхши курашади", — дея қўшимча қилди UFCнинг вазн тоифасидан қатъи назар, энг яхши жангчиси.