Chennai Open. Кудерметова биринчи ракеткага қарши уч сетлик учрашув ўтказди

Мусобақада иштирок этган Полина Кудерметова ярим финал остонасида тўхтатилди. Ўзбекистоннинг учинчи ракеткаси 1/4 финалда турнирда биринчи рақам остида таснифланган индонезиялик Жанис Тьенга қарши кортга чиқди. Биринчи сет 4/1 ҳисобида Полина фойдасига ҳал бўлаётган бир пайтда учрашув ёмғир сабаб тўхтатилди. 

Танаффус индонезиялик теннисчи фойдасига хизмат қилади. Биринчи сетни ўз фойдасига ҳал қилган Кудерметова якунда умумий ғалабага эриша олмади - 5/7, 6/4, 6/2. Икки соату 22 дақиқа давом этган баҳсда Тьен 13, Кудерметова 3 та эйс зарбасини амалга оширди. Қўшхатолар Полинада каррасига кўпроқ бўлди - 7 га 2.    

Таққослаш учун, Полина Кудерметова айни пайтда дунёнинг 93-ракеткаси бўлиб турибди, Жанис Тьен эса WTA рейтингида 75-поғонадан жой олган. Бу теннисчиларнинг сўнгги 10 кун ичида ўзаро ўтказган иккинчи учрашуви бўлди. Гуанчжоудаги турнирнинг илк даврасидаёқ Тьен Кудерматовани 6/2, 6/2 ҳисобида доғда қолдирганди.