Тедди Ринер Ўзбекистонга келади

Бу ҳақда Ўзбекистон Миллий Олимпия қўмитаси раисининг биринчи ўринбосари Отабек Умаров маълум қилди.

Унинг сўзларига кўра, Ринер билан бирга дзюдо оламининг яна бир қатор таниқли вакиллари ҳам 19-22 ноябрь кунлари Тошкентда ўтказиладиган дзюдо бўйича ёшлар ўртасидаги Жаҳон чемпионатига ташриф буюради.

Дзюдо афсоналарининг "Олимпия шаҳарчаси"да ўтказиладиган ёшлар ўртасидаги жаҳон чемпионати доирасидаги тадбирларда қатнашиши кутилмоқда.

"Яқин кунларда Тедди Ринер келади. Етти карра Олимпия ўйинлари совриндори, 5 карра Олимпиада ғолиби. Дзюдо оиласининг бир қатор таниқли спортчилари ҳам 19-20 ноябрь кунлари ёшлар ўртасидаги жаҳон чемпионатига келишади. Ҳаммани кутамиз", деди Отабек Муҳаммадалиевич Olamsport.com мухбири Моҳичеҳра Собирова билан суҳбатда.