Байсангур Сусуркаев Дамиан Пинас билан жангини тасдиқлади

Аввалроқ мазкур жанг ҳақида маълумот тарқалган эди. 4 ноябрь куни Сусуркаев ижтимоий тармоқларда Пинас билан бўлажак баҳс ҳақидаги хабарни улашди.

25 ёшли Сусуркаев профессионал фаолиятида 12 та жанг ўтказиб, барчасида ғалаба қозонган. У UFC'га Дана Уайтнинг даъвогарлар серияси орқали келган ва октагондаги 3 жангининг барчасини муддатидан олдин якунлаган. Унинг рақиблари Эрик Нолан, Эрик Макконико ва Жорден Сантос бўлган.

24 ёшли Пинас эса 11 та ғалаба ва 1 та мағлубият қайд этган. У ягона мағлубиятини 2024 йилда тақиқланган зарба учун дисквалификация сабаб олган. Шундан буён жангчи кетма-кет 7 та баҳсни нокаут билан ютган.

Пинас UFC'даги жангларида Уес Шултс, Сезар Алмейда ва Андрей Пуляевни мағлуб этган.

Сусуркаев ва Пинас ўртасидаги жанг 12 декабрь куни АҚШда ўтадиган UFC 335 турнири доирасида ташкил этилиши режалаштирилган.