Тошкентда бўлиб турган Ислам Махачев Шавкат Раҳмонов ҳақида фикр билдирди

Маҳачевнинг айтишича, Раҳмоновнинг қачон октагонга қайтиши ҳозирча номаълум. Шу сабабли уни кутиш ва ўз фаолиятининг якунланишини бунга боғлаш тўғри бўлмайди.

"UFC уни рейтингдан чиқарди. Ҳозир у асосий даъвогарлардан бири сифатида кўрилмаяпти. Ҳозир бизда 2 та даъвогар бор. Улар ўртасида вақтинчалик чемпионлик камари учун жанг бўлади, шундан кейин кейинги даъвогар ким бўлишини биламиз", дейди Махачев.

Россиялик жангчи Раҳмонов жароҳатларидан тезроқ тикланиб, UFC рейтингига қайтишига умид билдирди.

"Шавкат барча жароҳатларини тез орада даволаб, рейтингга қайтади, деган умиддаман", дея фикр билдирган Ислам.

Ислам кеча Тошкент шаҳрида старт олаётган самбо бўйича катталар ўртасидаги Жаҳон чемпионати тадбирларида иштирок этиш учун етиб келди.