WTA рейтинги янгиланди. 22 поғона юқорилаган Раҳимова энди дунёнинг 44-ракеткаси!

Эътиборга молик жиҳати шундаки, Ўзбекистоннинг биринчи ракеткаси Камилла Раҳимова 22 поғонага юқорилаб, дунёнинг 44-ракеткасига айланиб олди. Бу Раҳимова учун фаолиятидаги энг юқори ўрин бўлди. 

Иккинчи ракеткамиз Мария Тимофеева ҳам WTA рейтингида икки поғонага кўтарилиб, роппа-роса 70-ўринга жойлашди. Севиль Юлдашева ҳам уч ўринга кўтарилди. Учинчи ракеткамиз Полина Кудерметова эса ўтган ҳафта билан таққослаганда, икки ўринга пастлади. Лайма Владсон янгиланган рейтингда 17, Милана Масленкова 5, Дарья Шубина 2 ўринга пастга шўнғиди.

Дунё теннисчиларининг Топ-10`талигида ҳам бир нечта ўзгаришлар кузатилди. Америкаликлар Коко Гофф ва Жессика Пегула ўзаро ўрин алмашиб олишди. Чехиялик Линда Носкова 9-поғонадан 8-ўринга кўтарилди. Польшалик Ига Свёнтек эса аксинча, 8-ўриндан 9-поғонага тушди. Қозоғистонлик Елена Рибакина ҳамон катта фарқ билан WTA рейтингида пешқадамлик қилмоқда. Кучли учликдан беларуслик Арина Соболенко ва россиялик Мирра Андреева жой олган.  

WTA рейтинги. 2 ноябрь кунги ҳолат:

1. (1) Елена Рибакина (Қозоғистон) - 8099 очко.

2. (2) Арина Соболенко (Беларусь) - 6485.

3. (3) Мирра Андреева (Россия) - 6306.

4. (5) Коко Гофф (АҚШ) - 5763.

5. (4) Жессика Пегула (АҚШ) - 5760.

6. (6) Элина Свитолина (Украина) - 5121.

7. (7) Каролина Мухова (Чехия) - 4665.

8. (9) Линда Носкова (Чехия) - 4343.

9. (8) Ига Свёнтек (Польша) - 4188.

10. (10) Марта Костюк (Украина) - 3910…

Ўзбекистонлик теннисчиларнинг WTA рейтингидаги ўрни:

44 (66). Камилла Раҳимова – 1164

70 (72). Мария Тимофеева – 952

93 (91). Полина Кудерметова – 813

596 (579). Лайма Владсон – 77

928 (931). Севиль Юлдашева – 26

1334 (1329). Милана Масленкова – 7 

1468 (1466). Дарья Шубина – 4