02 ноя 17:01
Янгиликлар
Бокс/ММА
"Худди биринчи чемпионлик камаримни қўлга киритгандек бўлдим". Альварес WBC’нинг иккинчи ўрта вазн чемпиони бўлгани ҳақида
Иккинчи ўрта вазн тоифасида WBC’нинг янги чемпиони, мексикалик Сауль Альварес чемпионлик камарини қўлга киритиш унинг учун қандай аҳамиятга эга эканини тушунтирди.
— Сауль, бу чемпионликни Головкинга қарши жангдан кейин бўлганидек, катта хурсандчилик билан нишонлагандек кўриндинг...
— Йўқ, мен ўзимни худди биринчи марта жаҳон чемпиони бўлганимдагидек ҳис қилдим. Ростини айтсам, профессионал боксдаги 21 йиллик фаолиятим ва илк чемпионлигимдан бери ўтган 16 йилдан кейин ҳам ўзимни худди биринчи чемпионлик камаримни қўлга киритгандек ҳис қиляпман.
Мени доимо қўллаб-қувватлаб келаётган барча инсонлардан жуда миннатдорман. Ўз мамлакатим шарафини ҳимоя қилаётганимдан, Мексикани бутун дунё бўйлаб, унинг ҳар бир бурчагида муносиб намоён этаётганимдан ғурурланаман", — дея Канелонинг сўзларини келтиради Fight Hub TV аккаунти Х ижтимоий тармоғида.
Ҳавола :
Манба : Fight Hub TV
Фикрлар