Хамзат Чимаев бир ўлиб тирилган яккакураш устасига қарши жанг қилади + ПОСТЕР

Гап Хамзат Чимаев ва Хорхе Масвидаль ҳақида кетмоқда. Уларнинг ўзаро тўқнашуви 4 декабрь куни Дубайда бўлиб ўтадиган грепплинг қоидаларига асосланган ALF Лигаси дебют турнирининг асосий воқеаси бўлади.

Тадбир ташкилотчилари расман хабар қилганидек, россиялик ва америкалик спортчилар "фақат сабмишн" форматида грепплинг жангини ўтказишади.

Жорий йилнинг май ойида UFC`нинг ўрта вазн тоифасидаги чемпионлик камарини Шон Стриклендга қарши жангда йўқотган Хамзат Чимаев RAF профессионал кураш лигасида фаол иштирок этишда давом этмоқда. У бу кураш лигасида аллақачон тўртта беллашувда муддатидан олдин ғалаба қозонган. 14 ноябрь куни Абу-Дабидаги турнирда "Борз" америкалик Колби Ковингтонга қарши RAF кроссовернинг крузервейтдаги титулини олишга ҳаракат қилади.

UFC`нинг яримоғир вазн тоифасидаги чемпионлик камарига собиқ даъвогар, BMF титулининг собиқ соҳиби Хорхе Масвидаль эса 2023 йилнинг апрель ойидан буён октагонга чиқмаган. Ўшанда у Гильберт Бёрнсга қарши жангда ҳакамларнинг якдил қарори билан тўртинчи мағлубиятини қабул қилиб, фаолиятини якунлаганини эълон қилган эди. 2024 йилнинг июль ойида собиқ кўча жангчиси Нейт Диасга қарши бокс жангини ўтказди ва ўн раунд якунларига кўра, ҳамюртига ҳакамларнинг кўпчилик овози билан ютқазди.