Богдан Гусковнинг навбатдаги рақиби, жанг санаси ва манзили маълум + ПОСТЕР

Ушбу жанг 2027 йил 6 февраль куни Австралиянинг Сидней шаҳрида ташкил этиладиган UFC Fight Night турнири доирасида бўлиб ўтади. Богдан Гусков австралиялик Роберт Уиттакерга қарши октагонга кўтарилади. 

Ярим оғир вазн тоифасидаги жанг расман дунёнинг энг кучли Лигаси матбуот хизмати томонидан эълон қилинди.

Гусков айни пайтда UFC Мета-рейтингида 10, Уиттакер эса 11-ўринни эгаллаб турибди.

Австралиялик 35 ёшли собиқ чемпион Роберт 28 ғалаба ва 9 мағлубиятга эга. Охирги жангини шу йил 12 июль куни Никита Криловга қарши ўтказиб, рақибини биринчи раунддаёқ таслим этганди. Айнан шу жангда у ярим оғир вазн тоифасида дебют қилган. Ундан аввалги иккита жангида эса Ренье Де Риддер ва Хамзат Чимаевга имкониятни бой берган.

Уиттакер фаолиятидаги 9 та мағлубиятдан 2 тасини Исраэль Адесаньядан қабул қилиб олган.