UFC Fight Night 292 турнирининг бонус соҳиблари маълум

Оқшомнинг асосий жангида бразилиялик тажрибали Ренато Мойканони муддатидан аввал мағлубиятга учратган австралиялик енгил вазн тоифаси вакили Том Нолан "Кечанинг чиқиши" учун 100 000 долларлик бонус олган тўрт нафар жангчидан бирига айланди.

Шунингдек, биринчи раундда жанубий кореялик Чон Ён Ли устидан нокаут билан ғалаба қозонганидан сўнг фаолиятини якунлаганини эълон қилган америкалик ярим енгил вазн тоифасидаги спортчи Жулиан Эрос ҳамда ташкилот дебютантлари, энг енгил вазн тоифасида иштирок этган словакиялик Люсия Жабова ва дастлабки кардда муддатидан олдин ғалаба қозонган америкалик ўрта вазн тоифаси вакили Жозеф Кропшот ҳам 100 000 долларлик мукофот пулига сазовор бўлишди.

Муддатидан олдин ғалаба қозонганликлари учун 25 000 долларлик бонусларни америкалик ярим ўрта вазн тоифасидаги спортчи Жан-Пол Лебоснояни ва бразилиялик ярим ўрта вазн жангчиси Родриго Сесинано қўлга киритди. Уларнинг рақиблари жиддий жароҳатлар туфайли шифокор томонидан жангдан четлатилган эди.