01 ноя 14:10
Янгиликлар
Футбол
Россия терма жамоаси ёрдамчи мураббийи: "Ўзбекистон майдонга энг кучли таркиби билан тушишини истаймиз"
Россия терма жамоаси ёрдамчи мураббийи Николай Писарев ноябрь ойида Ўзбекистон ва Венесуэлага қарши бўлиб ўтадиган ўртоқлик учрашувлари ҳақида ўз фикрларини билдирди.
Мутахассис ҳар икки рақибнинг савиясини юқори баҳолаб, Ўзбекистон терма жамоасининг жаҳон чемпионати иштирокчиси эканига эътибор қаратди.
"Рақибларимиз савиясидан мамнунмиз. Ўзбекистон – жаҳон чемпионати иштирокчиси. Венесуэлага қарши учрашув ҳам Краснодарда кўплаб мухлисларни жалб қилади.
Рақибларимиз майдонга энг кучли таркиби билан тушишини истаймиз. Шунда биз ҳам ўзимизнинг энг яхши ўйинимизни намойиш эта оламиз", – деди Писарев.
Маълумот учун, Россия терма жамоаси 12 ноябрь куни Тошкентда Ўзбекистонга қарши ўртоқлик учрашуви ўтказади. Валерий Карпин шогирдлари 17 ноябрда эса Краснодарда Венесуэла терма жамоасини қабул қилади.
Ҳавола :
Манба : РИА Новости
Фикрлар