Рамазон Темиров Каванага қарши мағлубиятдан кейин илк бор мухлисларга мурожаат қилди

"Ҳаммага ассалому алайкум. Охирги жангимдан кейин ўзимга келиб, сизларга мурожаат қилишга қарор қилдим. Халқимиз, ватандошларим томонидан жуда кўп мени қўллаб-қувватлаган хабарлар етиб келяпти. Барчангизга раҳмат. Бу қўллаб-қувватлаш мени янада кучли қилади. Кейинги жангларимда хатоларим устида ишлашга куч беради. Аллоҳ таоло пешонамга шундай бўлишини ёзган экан, сабр қилиб, рози бўлиб, олдинга ҳаракат қилишда ва хатолар устида ишлашда давом этамиз", дейди Темиров.

Рамазон 24 октябрь куни UFC 333 турнирида англиялик Лоне Кавана билан жанг қилиб, биринчи раундда техник нокаут билан имкониятни бой берганди.