Жасур Алижонов Рамазон Темиров қаерда хато қилганини айтди

Унинг сўзларига кўра, дастлаб жанг режага мувофиқ кетган, бироқ Темиров нокаут қилишга ортиқча интилган.

"Бошида ҳаммаси режа бўйича кетаётган эди. Рамазон бироз шошилди. Биз биринчи раундда сабр қилиб кутишимиз ва нокаут ортидан қувмаслигимиз керак эди", — деди Алижонов.

Унинг таъкидлашича, режа бўйича иккинчи раунддан бошлаб босимни ошириш ва очиқроқ жангга киришиш кўзда тутилган.

"Лекин раунд охирида Рамазон ўз кучига ишониб юборди ва ҳужумга ўта бошлади", — дейди мураббий.

Алижонов ўша вазиятда Темировга масофани сақлашни айтганини ҳам қайд этди. Унинг фикрича, рақиб эса ўз жанг режасини тўлиқ амалга ошириб, Темировнинг зарбасидан қочган ва қарши ҳужум билан жавоб қайтарган.

Рамазон 24 октябрь куни Абу-Даби мезбонлик қилган UFC 333 турнирида англиялик Лоне Каванага қарши жанг қилиб, имкониятни бой берганди.