27 окт 09:03
Янгиликлар

Бокс/ММА

Хайме Мунгия барибир Никита Зон билан жанг қиладиган бўлди

31 октябрь куни Саудия Арабистонининг Ар-Риёд шаҳридаги Kingdom Arena'да профессионал бокс оқшоми бўлиб ўтади.

Оқшом доирасида иккинчи ўрта вазн тоифасида WBA камари соҳиби, мексикалик Хайме Мунгия Россия вакили Никита Зонга қарши рингга чиқади.

Бу Мунгиянинг чемпион сифатидаги илк ҳимоя жанги ҳисобланади.

Аслида Мунгия илк камар ҳимоя жангини ўзбекистонлик мажбурий даъвогар Бектемир Мелиқўзиевга қарши ўтказиши керак эди. WBA 21 сентябрь куни Мунгия – Мелиқўзиев жангини ўтказиш бўйича буйруқ берган ва томонларга келишувга эришиш учун 21 октабргача муддат берган эди.